Роналду коронавируспен күресу үшін өз қонақ үйлерін ауруханаға айналдырмақ
Дәрігерлердің жалақысын Роналду өз қалтасынан төлеуге ниетті.
ERNUR.KZ. Португалия ұлттық құрамасы мен италиялық "Ювентус" футбол клубының шабуылшысы, әйгілі Криштиану Роналду коронавирустың таралуымен күресу үшін өз қонақ үйлерін ұсынбақ, деп жазады KAZ.NUR.KZ.
Футболшының қонақ үйлері коронавирусқа шалдыққандар үшін тегін ауруханаларға айналмақ. Ал дәрігерлердің жалақысын Роналду өз қалтасынан төлеуге ниетті.
Айта кетейік, футболдан Еуропа елдерінің ішкі чемпионаттары тоқтатылды. Сондай-ақ Еуропалық футбол қауымдастығы одағы (УЕФА) ресми түрде әлемнің басты еурокубоктары – Чемпиондар лигасы мен Еуропа лигасын тоқтатқанын мәлімдеді. Сонымен қатар, коронавирус пандемиясына байланысты биылғы маусым-шілде айларына жоспарланған Еуропа чемпионаты 2021 жылға шегерілетінін айтылды.
