Иранда алты күндік локдаун енгізілді. Бұл туралы COVID-19 таралуына жол бермеу жөніндегі “ВАК” хабарлады.Иран ислам республикасының билігі коро­на­вирустың таралуына қарсы күрес аясында бүкіл ел бойынша алты күндік локдаун енгізді. Үкімет COVID-19 бесінші толқынын жариялады. Иранда келесі аптада кезектен тыс демалыс белгіленді. Сонымен қатар коронавирустың таралу жағдайының ушығуына байланысты провинциялар арасында қозғалуға екі апталық тыйым жарияланды.

Байқап отырғандарыңыздай, қазір ахуал әлемде қайта ушықты. Ең алғаш вирустың бұл түрі әлемге тарала бастағанда да бірінші болып үлкен шығынға батқан да осы ел болатын.

Қазіргі таңда вакцинация қарқынды жүрген ел­дерде жағдайдың бір қалыпқа келе бастағанын байқауға болады. Сондықтан мұның пайдасын тү­сі­нетін бізге де уақыт жеткен сыңайлы. Себебі Қа­зақстанда да қазір ахуал жақсы емес. Тіпті “Қызыл аймақтар” сапын толықтырған өңірлер көп.