Токиода Паралимпиада ойындары ашылды

Паралимпиадада Қазақстан намысын 25 спортшы қорғайтын болады. Олар спорттың жеті түрінен сынға түседі

Жапония астанасы - Токио қаласында XVI жазғы Паралимпиада ойындары ашылды. Жапония императоры Нарухито сайысқа бастау берді.

Салтанатты шеруге барша елден 5 мыңға жуық атлет қатысты, деп хабарлайды Қазақстан ұлттық Олимпиада комитеті.

Паралимпиадаға Қазақстан атынан 7 спорт түрі бойынша 25 спортшы қатысады. Оның ішінде 7 спортшы суда жүзу, 6 спортшы дзюдо, 5 спортшы пауэрлифтинг, 3 спортшы таеквондо, 2 спортшы жеңіл атлетика бойынша бақ сынайды.

Сондай-ақ қазақстандық спортшылар алғаш рет каноэде ескек есу мен оқ атудан жолдама алды.

Дода 5 қыркүйекте аяқталады. Коронавирус пандемиясына байланысты көрерменсіз өтеді.