Анджелина Джоли Қазақстанға келуі үшін миллион доллар сұраған
«Еуразия» халықаралық фестивалінің президенті Айман Мұсахожаева голливудтық актриса Анджелина Джолидің Қазақстанға келуі үшін қанша ақша сұрағанын айтып берді.
Сондай-ақ, ол әлемдік жұлдыздардың қайсы қызыл кілеммен жүріп өтетінін де айтты, деп хабарлайды Sputnik Қазақстанға сілтеме жасап Stan.kz.Ұйымдастырушының сөзінше, XIV Халықаралық кинофестивальге отандық жұлдыздардан бөлек сербиялық режиссер әрі әнші Эмир Кустурица, франциялық актер Венсан Кассель, актриса Леа Сейду келеді.
Әлемдік деңгейдегі жұлдыздардың шараға қатысуы үшін қанша ақша жұмсалатынын әзірге Айман Мұсахожаева айтқан жоқ. Алайда ол Анджелина Джоли Қазақстанға келуі үшін қанша ақша сұрағанын жасырмады.
«Мысалы, Анджелина Джоли бізге келуі үшін 1 миллион доллар сұарды. Әрине, біз оны шақырғымыз келген. Алайда бізде мұндай қаржы жоқ. Одан да көп ақша сұрайтын артистер де бар», – дейді Айман Мұсахожаева.
Айта кетсек, XIV Халықаралық кинофестиваль 1-7 шілде аралығында Астанада өтеді.
http://stan.kz
Пікір 1