Биологиялық әпкесін жеті жыл бойы іздеген әйел, сонша уақыт іздеген туысының көршісі екенін анықтады.

Бұл туралы Life.ru-ға сілтеп, Stan.kz ақпараттық агенттігі хабарлайды.
31 жастағы Хиллари Харрис әпкесінің аты-жөні Дон Джонсон екенін ғана білген. Бірде ол көрші үйге туысымен аттас адамға сәлемдеме келгенін көріп қалды.
Содан кейін Хиллари көрші әйел мен әпкесінің есімі жай ғана сәйкестік пе, әлде 50 жастағы Дон расында сонша іздеген туысы болды ма, соны анықтау үшін оның өзімен кездесуге шешім қабылдады.
Хиллари мен оның ағасын 1987 жылы бөтен біреулер асырап алған болатын. Дегенмен, әйел өзінің биологиялық ата-анасын білгісі келіп, олар туралы ақпарат іздеген.
Содан ол асырап алу агенттігіне барған. Ондағылар да Хилларидің туыстары туралы ақпарат беруге келісті.
Тексеру кезінде әйелдің туған әкесінің 2002 жылы қайтыс болып кеткені анықталды.
Дегенмен, некрологта оның Дон мен Рене есімді қыздарының болғаны айтылған.






Дон есімді туысының бар екенін білген Хиллары оны Facebook арқылы іздеген, бірақ одан еш нәтиже шықпаған.
Алайда, ол біраз уақыттан кейін көршісінің үйіне келген сәлемдені көріп қалып, ол әйелден әкесі туралы сұрауға бел буған.
Осылайша, Хиллари жеті жыл бойы ідеген әпкесін кездейсоқ сәлемдеменің арқасында тауып алды.



http://stan.kz