Көлікті ыстықтан қорғау үшін сиырдың тезегімен сырлап тастаған
Сиырдың тезегі жазда ыстықтан, қыста суықтан қорғайды.
ERNUR.KZ. Суретте Toyota маркалы көліктің органикалық тыңайтқышпен сырланғаны көрініп тұр. Суретті үндістандық азамат Рупеш Гауранга Гас желіге жариялады, деп жазады stan.kz.
"Тезекті тыңайтқыш ретінде пайдаланудың мынандай түріп бірінші рет көріп тұрмын. Көлікті 45 градусты ыстықтан қорғау үшін сиырдың тезегімен сырлап тастаған", - дейді ол.
Үндістанда ауыл тұрғындары үйінің қабырғасын сиырдың тезегімен сырлайды. Ол жазда ыстықтан, қыста суықтан қорғайды.
Соңғы кездері Үндістанда ауа температурасы 40 градус ыстықты көрсетуде. Билік өкілдері тұрғындарға күндізгі уақытта көшеге шықпауға кеңес береді. Сағат 10:30 мен 15:00 аралығындағы күннің аптап ыстығы денсаулыққа зиян тигізеді.
ERNUR.KZ
