«Қазақтелеком» АҚ акциялары 7% қымбаттады

Қазақстан қор биржасынан (KASE) инвесторлар «Қазақтелеком» АҚ акцияларын көптеп сатып алуда, деп хабарлайды Baq.kz ақпарат агенттігі.

KASE-нің мәліметі бойынша 6 сәуірдегі сауда-саттық қорытындысы бойынша индекске кіретін сегіз эмитенттің алтауы оң нәтиже көрсетті.
Ең көп өсу «Қазақтелекомда» байқалды. Бағалы қағаздар аптаны 28 мың теңге (+ 6,7%) деңгейінде аяқтады. Одан кейін Астана банкі, бағасы 1 200 теңге (+ 5%) дейін өсті.
Бұдан басқа, «KEGOC» АҚ-да акциялар құнының (+ 4%) аздап өсуі байқалды. Ал, Kcell құнды қағаздары 3,2% қосты. «ҚазТрансОйл» АҚ (+ 0,8%) және Қазақстан Халық Банкінде (+ 0,03%) аздаған ғана өсу байқалды.
Тек KAZ Minerals (-0,4%) пен Банк Центр Кредит (-0,2%) көрсеткіштері төмендеген.
Тұтастай алғанда KASE индексі 2,44% өсіп, 2467,94 тармақты құрады.

Baq.kz