Ұлттық қорға түсетін табыс шамамен 80% өсті

2017 жылы Ұлттық қорға 2 трлн теңгеден астам төлемдер түсті, деп хабарлайды Baq.kz ақпарат агенттігі LS сайтына сілтеме жасап.

2016 жылғы көрсеткішпен салыстырғанда (1,1 трлн теңге) бұл көрсеткіш 78,6% өсті. Атырау облысы ұлттық қорға - 1,1 триллион теңге жіберсе, Маңғыстау облысы - 388,2 млрд, Батыс Қазақстан облысы - 269 млрд, Қызылорда облысы - 100 млрд, Алматы облысы - 335 млн, Жамбыл облысы - 19,6 млн, Оңтүстік Қазақстан облысы - 8 млрд, Ақмола облысы - 7,1 млн, Қостанай облысы - 3,4 млн, Қарағанды облысы - 4,3 млн, Павлодар облысы - 1,6 млн және Ақтөбе облысы - 116,7 млрд теңге қосты. Ал Алматы қаласының өзінен 9 млрд теңге болса, Шығыс Қазақстан облысынан 3,7 млрд теңге ұлттық қорға түсті.

Сонымен қатар, Солтүстік Қазақстан облысынан ешқандай төлем жасалмағанымен, Астанадан түсетін түсім 6,6 миллиард теңгені құрады. Ұлттық қорға ең көп төлемін салған - мұнай секторы ұйымдары (782,8 млрд), оның ішінде; мұнай саласының ұйымдарынан пайдалы қазбаларды өндіру салығы (626,3 млрд теңге), мұнай секторы ұйымдарының жасаған келісімшарттары бойынша өнімдердегі Қазақстанның үлесіне (285,9 млрд) және мұнай секторы кәсіпорындарынан экспортталатын шикі мұнайға, газ конденсатына жалдау салығы бар (250,4 млрд). Бұдан басқа, мұнай секторындағы компаниялардың үстеме пайдасына салық ретінде 50,6 млрд теңге қосылды.