Қазақстан қор биржасының (KASE) таңертеңгілік сессиясының қорытындысы бойынша дүйсенбі, 24 қыркүйекте АҚШ долларының орташа сараланған бағамы 352,90 теңгені құрады, деп жазады Stan.kzақпараттық агенттігі.

21 қыркүйектегі таңертеңгі сессияның қорытындысымен бүгінгі көрсеткішті салыстыратын болсақ ұлттық валюта 0,81 теңгеге төмендеген.
Ұлттық валютаның ең төменгі айырбас бағамы 352,30 теңге болса, ең жоғарғысы 355,50 теңгені құрады.
Астанадағы айырбастау пункттерінде АҚШ доллары 357,5 теңге сатылып жатса, Алматыда – 357 теңгеге сатылуда. Ұлттық Банктің деректері бойынша ресми бағам бір доллар үшін 352,54 теңгені құрайды.
Айта кетейік, өткен аптада доллар өз позицисын жоғалта бастаған болатын. Қыркүйектің 11-і мен 21-і аралығында америкалық валюта 30 теңгеге төмендеді.

Stan.kz