Қазақстанда мұғалімдерге арналған арзан ұялы байланыс тарифі енгізілмек
![ÒазаÒÑÑанда мұÒалÑмдеÑге аÑналÒан аÑзан Ò±ÑÐ»Ñ Ð±Ð°Ð¹Ð»Ð°Ð½ÑÑ ÑаÑиÑÑ ÐµÐ½Ð³ÑзÑлмек](http://stan.kz/wp-content/uploads/2018/12/20023756635736fba207b294vfcy-620x382.jpg)
ҚР Ақпарат және коммуникациялар вице-министрі Дарын Тұяқов елімізде мұғалімдерге арналған ұялы байланыс тарифі енгізілетінін мәлімдеді. Оның құны арзан болады деп жоспарланып отыр, деп хабарлайды ҚазАқпаратқа сілтеме жасап Stan.kz.
Вице-министрдің сөзінше, Қазақстандағы ұялы байланыс операторларына сараптама жүргізілген.«КаР-Тел» компаниясы тарифтік жоспарлардың жаңа желісін ұсыну жөнінде бастама жасады. Бұл тарифте «Әлеуметтік», «Әлеуметтік плюс» және мұғалімдерге арналған тарифтік жоспарлар қарастырылған. Аталған тарифтерге сәйкес, байланыс құны 50 пайызға төмендейді. Егер де осы уақытқа дейін оның құны 1300 теңге болса, ендігі уақытта 590 теңге болады», – дейді ол.
Сонымен қатар Дарын Тұяқов Kcell компаниясы да абоненттеріне «Комфорт XS+» аталатын жаңа тарифті ұсынғалы отырғанын айтты. Оның сөзінше, компания тарифті 50 пайызға төмендетеді. Бұған дейін ай сайынғы абоненттік төлем 2590 теңгені құраса, ендігі 1390 теңге болады.
Сондай-ақ, вице-министр «Altel» мен «Теле2» компаниялары тарифтерін арзандатуға қатысты ақпарат бермегенін айтты. Десе де министрліктегілер жақын уақытта олардан ұсыныс түседі деп күтуде.
Айта кетсек, бүгін ҚР Ақпарат және коммуникациялар вице-министрі Дарын Тұяқов елімізде байланыс операторларының тарифі арзандайтынын мәлімдеді.
Stan.kz
Пікір 2