Алматыда көпбалалы аналарды әлеуметтік қорғау орталығы ашылды
Алматыда «Бақытты отбасы» аналарды әлеуметтік қорғау орталығы жобасы аясында «Іскер ана» деп аталатын көпбалалы және аз қамтылған отбасыларға қолдау көрсету орталығы ашылды деп хабарлайды Stan.kz ақпарат агенттігі "Қазақпарат" сайтына сілтеме жасап.
«Іскер ана» бағдарламасы әйелдер кәсібін дамыту аясында жүргізіледі.
Орталықта сапалы бизнес курстары оқытылады.
Өмірлік қиын жағдайда қалған отбасыларға көмектесу аясында, барлық отбасы мүшелерін әмбебап кәсіпке тарту арқылы ақша табуға дағдыландыру ісі жүзеге асырылады.
Орталықта маркетологқа оқыту, ІТ мамандығын меңгеру, жеке кәсіпкерлігін жүргізу, тігін курсы, қол өнерін үйрену, сұлулық саласында білім алу, қазақтың ұлттық өнерін оқу, құрылыс жұмыстарына қызмет көрсету, бизнес-план құруды үйренуге болады.
Бүгінгі күні «Бақытты отбасы» жобасы бойынша 136 көпбалалы ана өз кәсіпкерліктерін жүргізу мен тігін курсына жазылып қойған. Орталық Жетісу ауданындағы Жансүгіров пен Ломоносов 65/34-үй көшелерінің қиылысында орналасқан.
Stan.kz
