«Астана-Көкше» ЖШС директоры мемлекеттің 32 миллион теңгесін жымқырды деп күдіктелді

Нұр-Сұлтан қаласының сыбайлас жемқорлыққа қарсы қызметі «Астана-Көкше» ЖШС директорына аса ірі көлемде бюджет қаражатын ұрлау фактісі бойынша сотқа дейінгі тергеуді бастады. Бұл туралы ҚР Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап хабарлайды.
Ол М.Горький атындағы Мемлекеттік академиялық орыс драма театрының ғимаратын қалпына келтіруге бөлінген 32 миллион теңгеден астам қаражатты жымқырды деп күдіктелуде. Сотқа дейінгі тергеу жалғасуда. Күдіктінің кінәсінің деңгейі туралы түпкілікті шешімді сот шығарады.

stan.kz