1 еуро - 500 теңге. Кеше Еуроодақтың валютасы Қазақстанның кейбір айырбас пункттерінде осындай межеге жетті. Бұл туралы  "Информбюро" бағдарламасы хабарлайды.

Сарапшылар еура бағасының көтерілуін АҚШ долларының құнсыздануымен түсіндіріп отыр. Елдегі айырбас орындарда доллар бағасы аса қатты өзгермеген.
Экономистер Дональд Трамп долларды құнсыздандыру арқылы әлемдегі америкалық тауарлардың бағасын арзандатпақшы деген пікірде. Осылайша, тауарларға сұранысты арттыру көзделген.
Ал мамандар Қазақстандағы валюта нарығы, жалпы ел экономикасы көрші Ресейге қарсы енгізілген санкциялар мен мұнай бағасына тәуілді болып қалады дейді.