"Қазгидромет" РМК синоптиктері ел бойынша дабылды ескерту жариялады, деп хабарлайды Вaq.kz ақпарат агенттігі.

26-30 наурызда Қарағанды, Ақмола, Қостанай облыстарының жекеленген өзендерінде оң мәнді ауа температурасының сақталуы мен қардың еруіне байланысты жергілікті ағынның қалыптасуы, су тасуы мен жайылмалық аудандарға су шығуы мүмкін.
26-27 наурызда Солтүстік-Қазақстан және Павлодар облыстарындағы жекеленген өзендерінде оң мәнді ауа температурасының сақталуы мен қардың еруіне байланысты жергілікті ағынның қалыптасуы, су тасу мен жайылмалық аудандарға судың шығуы ықтимал.
25-30 наурызда Батыс-Қазақстан, Атырау, Ақтөбе облыстарында жылынуы мен жауын-шашын күтілуіне байланысты еріген ағын қалыптасу, су деңгейлерінің көтерілуі мен жайылмалық аудандарға судың шығу қаупі бар. 25 наурызда Ақтөбе облысында қатты жаңбыр жауады.
26 наурызда Сырдария өзенінде (Қызылорда облысы) ауа температураларының жылынуының жалғасуына байланысты мұз кептелісі, су деңгейлерінің көтерілуі және жайылмалық аудандарға су шығу үрдістері жүруі мүмкін.
25 наурызда күндіз Ақмола облысының кей жерлерінде қатты жауын-шашын күтіледі. 25 наурыз тәулік бойы көктайғақ, жаяу бұрқасын, тұман түседі. Оңтүстік-батыстан соққан жел солтүстік-шығысқа ауысады, күші кей жерлерінде 15-20 м/с күшейеді.
Көкшетау қаласында 25 наурызда кей уақытта жауын-шашын (қар, жаңбыр), тұман, көктайғақ болады.
25-26 наурызда Жамбыл облысында оңтүстік-шығыстан соғатын жел оңтүстік-батыс желіне ауысады, кей жерде 15-20, екпіні 23-28 м/с жел болады.
Тараз қаласында 25-26 наурызда оңтүстік-шығыстан соғатын жел оңтүстік-батыс желіне ауысады екпіні 15-20, кей уақытта 23-28 м/с болады деп болжануда.
25 наурыз түнде Қызылорда облысының кей жерінде оңтүстік, оңтүстік-батыстан 15-20 м/с, 25 наурыз күндіз облыстың басым бөлігінде 15-20, кей жерінде 23-28 м/с жел соғып, найзағай түседі.
25 наурызда Қостанай облысының кей жерінде тәулік бойы тұман, көктайғақ, жаяу бұрқасын болып, жел жылдамдығы 15-20 м/с -ға жетеді.

Ескерту!
Baq.kz сайтында жарияланған авторлық материалдардың барлық құқықтары қорғалған және ақпарат агенттігінің меншігі болып табылады. Көшіріп басу редакцияның рұқсатымен жүзеге асады. Материалды көшіріп басу кезінде Baq.kz сайтына төте сілтеме көрсету талап етіледі.