18 қыркүйекте Қазақстанда коронавирус пен пневмониядан 43 адам қайтыс болды. Бұл туралы Денсаулық сақтау министрлігі мәлімдеді.

Айта кетейік, бақилық болғандардың 37-сі КВИ ин­фек­циясынан көз жұмса, алтауы пневмониядан қайтқан.

20 қыркүйектегі мәлімет бойынша, елімізде 70 290 адам коронавирус инфекциясынан емделуде, олардың ішінде 13 333 пациент стационарда, 56 957 науқас амбулаториялық деңгейде ем қабылдауда.

Аталған министрлік КВИ+ және КВИ-ға шалдыққандар арасында 1 051 адамның жағдайы ауыр екенін айтады. Сондай-ақ 278 пациенттің жағдайы өте ауыр болса, 143 науқас ӨЖЖ аппаратында жатыр.