Оралда краннан «адам өмірі үшін қауіпті» су ағатыны туралы хабарлама жұртты шошытты

«Құрметті, суды қолданушылар! 9-10 сәуірде су беру жүйесі мен ұңғыманы залалсыздандыру шарасы өтеді. Су беру жүйесі 24 сағатқа залалсыздандыратын құралмен (сұйық хлор) толтырылады. 24 сағат ішінде кран және унитаздың су ағызу жүйесін қолдануға тыйым салынады. Бір тәулік өткеннен кейін, 24 сағат бойы суды ағызып қою қажт. Суды тек 2018 жылдың 11 сәуірінен бастап қолдануға болады. 9 сәуірде 48 сағатқа жететін су қорын жинап алуларыңызды өтінеміз. 9-10 сәуірде суды қолдану өміріңізге қауіпті», – деп жазылған хабарламада.

«Залалсыздандырған кезде адамдардың өмірі мен денсаулығына қауіп төндірмес үшін, сұйық хлорды мұншалықты көп мөлшерде қолданбаймыз. Бұл жалған ақпарат. Бізге тұрғындар хабарласып жатыр. Оларға 9-10 сәуір күндері суды қолдануға болатынын және қауіпті емес екенін түсіндірудеміз», – дейді «Батыс су арнасындағылар».
Пікір 1