Күні кеше әлем чемпионатының жартылай финалдық ойындары өткен стадион жұлдызды жанкүйерлерге толы болды. Олардың арасында отандық танымал әнші Сәкен Майғазиев те бой көрсеткен. Ол Ресей астанасына хорватиялықтарға қолдау білдіру үшін арнайы барды деп хабарлайды NUR.KZ.

Ресей астанасында болып өткен Англия мен Хорватия құрамалырының ойынын өз көзімен көру үшін отандық әнші көрші елге арнайы барғвн. Бұл кездесуде Сәкен Майғазиев хорватиялықтарға қолдау білдіргенін жасырмады.
Әнші ойын кезінде оқырмандары үшін видео түсіріп тұрған кезінде Хорватия құрамасы гол соққан. Бұл бейнежазбаның астына Сәкен Майғазиев мынадай жазба қалдырды:

"АЛЛАh - білуші. Айтып, аузымды жиып үлгермедім... Халқының саны 5 000 000 -ға да жетпейтін, тәуелсіздігін 1991 жылы ғана алған (біздің құрдасымыз) Хорватияға жанкүйер болып отырғам. Тәй-тәй басқан қанша елге мотивация берері анық. ⚽️☀️ Хорватия 2-1 Англия", - деп жазды хорватиялықтардың жеңісіне қуанған әнші.