Ұят: Купальникпен түскен суретін жариялаған Салтанат Бақаеваның басы дауға қалды
Салтанат Бақаева – қарапайымдылығымен, табиғи сұлулығымен көрерменін баураған әнші. Өнер иесін, әсіресе қызын ұзатқандар тойына шақыруға асығады. Бір жағы, үш бірдей атұстарды өмірге әкелген Салтанатты ырымдап қонақ ететіндер бар, деп жазады Stan.kzақпараттық агенттігінің тілшісі.
Алайда күні кеше купальникпен түскен суретін жариялаған әнші тыңдармандарының көңілін қалдырды.
“Мен еш уақытта өзімді арық қыздардың қатарына қосқан емеспін. Өзімді 90% қабылдаймын. 10% кемшілік байдың қызында да болады. Онымен шамам келгенше жұмыс жасаймын, көңіліме қарай. Ал сіздер, адам өзін өзгерте алады дегенге сенесізлер ме?” – деп жазған еді Бақаева бөліскен суретінің тұсына.
“Осы әншілер осындай сурет салмаса, болмайтын болған ба”, “Ұят”, “Сені де қыз ұзатуға шақырып жүр-ау”, “Жолдасы қайда қарап жүр”, – деп сынады желі қолданушылары.
stan.kz
