Енді WhatsApp-та бір уақытта бірнеше адамға қоңырау шалуға болады

Енді WhatsApp мессенджерінде топтық аудио және видео қоңырау шалуға болады, деп хабарлайды ҚазАқпарат компанияның блогына сілтеме жасап.

Топтық қоңырауды ең көп дегенде төрт адамға шала аласың. Ол үшін әуелі бір абонентке қоңырау соғып, сосын оң жақ бұрыштағы жоғарыда тұрған тиісті түймешікті басу арқылы басқа адамдарды қосуға болады.  Компания өкілдерінің айтуынша, барлық топтық қоңыраулар толассыз шифрлеумен қорғалған.    Сонымен қатар, мессенджер қолданушылары қоңырауға бір күнде 2 млрд минут уақытын жұмсайды екен.  

inform.kz