Шымкентте 37 жастағы азамат тылсым күштің әсерінен соң сүндетке отырған. Бұл туралы балалар хирургы Жақсылық Амантаев айтты деп хабарлайды zamana.kz сайтына сілтеме жасаған NUR.KZ.

Шымкенттегі облыстық балалар ауруханасының қызметкері, жоғары санаттағы балалар хирургы Жақсылық Амантаев 15 жылдан бері бала сүндеттеумен айналысқан екен. Азамат жылына 100-150 баланы сүндеттейтін көрінеді.
Дәрігер балаларды сүндеттеудің 200-ге тарта түрі бар екенін айтты. Сондай-ақ, ол бұл істі жасатуға тек кішкентай балалар емес, жасы үлкен ер адам да келгенін жеткізді.



Оның сөзінше, кішкентайында сүндетке отырмаған 37 жастағы татар азаматы тылсым күштің әсерімен осы іске барған.

"Оны ата-анасы сүндеттетпеген, өзінің де ойына кіріп-шықпаған екен. Кейін оған түсініксіз тылсым күш әсер еткен. Бір жайсыз түсті қайта-қайта көре беріп мазасы қашқан соң молдаға барып көрінсе, ол кісі сүндеттелуі керек екенін айтыпты. Әлгі азамат сүндетке отырған соң жағдайы жақсарып кетті" ,- деді дәрігер.