Қазақстандық пойыздарда әйелдерге арналған купе пайда болуы мүмкін. Заңдағы тасымал құралдарына қатысты мәселелер бойынша осындай өзгерту енгізу көзделіп отыр.

Бұл туралы BNews.kz-ке сілтеме жасап Stan.kz хабарлайды.
ҚР Инвестициялар және дамыту министрлігінің көлік комитетіндегілердің сөзінше, бұл вагондағы арнайы жеке купе ретінде қарастырылмаған.
Яғни жолаушыларға купедегі орындарды өздері таңдауға рұқсат берілуі мүмкін.
Ведомство мәліметінше, авиация саласында да дәл осындай механизм пайда болуы мүмкін. Яғни жолаушылар билет сатып алғаннан кейін өзіне ұнаған кез-келген орынды таңдай алады.
«Жолаушы тек әйелдер отырған купедегі орынды таңдай алады. Осылайша купеде тек әйелдер отыра алады», – дейді комитеттегілер.
Қазіргі уақытта мамандар билетті сату, жайғастыру және брондау жүйелерін әзірлеп жатыр.


Stan.kz