Сен нағыз чемпионсың: Димаш Құдайберген Головкинге қолдау білдірді
Димаш Құдайберген мексикалық Сауль Альварестен жеңіліп қалған Геннадий Головкинге қолдау білдірді. Ол қандай жағдай болмасын, Генаның ел үшін чемпион болып қалатынын атап өтті, деп хабарлайды Stan.kz ақпараттық агенттігі.
“Сен біз үшін қандай жағдайда да үздіксің, ағасы! Сен нағыз чемпионсың! Қазақстанымыздың атын шығарып жүргеніңе рақмет! Алға”, – деп жазды Димаш желідегі парақшасында.
Сондай-ақ, қазақстандық өзге де танымалдар Геннадийдің суретін жариялап, боксшыға қолдау білдіруде.
“Гена, красавчик! Әділетсіздік деген осы ғой… Гена жеңілген жоқ, жоқ дегенде тепе-тең болу керек еді. 7-ден 12-ші раундқа дейін біздікі болды және концовкасын алып отырды, бұл менің жеке пікірім. Енді кәсіби мамандардың пікірін тыңдайық, оқиық. Ең өкініштісі, барлық титул кетіп қалды.
Бірақ біз сонда да Генаны әрқашан қолдаймыз және ол біз үшін чемпион болып қалады”, – дейді Асылхан Төлепов.
Stan.kz
