Facebook әлеуметтік желісінде ер адам “Ассам” шайының құрамын көрсеткен видео пайда болды. Компания өкілі Қазақстанда сатылатын шайдың құрамында зиянды заттардың жоқ екенін мәлімдеді. Бұл туралы Sputnik Қазақстан басылымына сілтеп, Stan.kz ақпараттық агенттігі хабарлайды.

Видеоның авторы қаптаманың ішіндегі кішкентай домалақ шарларға наразылық танытты. Автор оларды қауіпті химиялық заттар деп ойлады.
“Teahouse” компаниясының маркетинг жөніндегі директоры Анар Баязинова уайымдауға себеп жоқ екенін айтты.
Оның айтуы бойынша, ер адам кешкі деп аталатын шайды ашып отыр. Ал домалақ шарлар бергамоттың хош иістендіргіштері.
Анар Баязинованың сөзінше, ол иістендіргіштердің бағасы қымбат. Олар әрі сапалы. Иістендіргіштер Қазақстанның бақылау органдарымен мақұлданған.


Источник: Stan.kz