Шымбұлақ ТМД-дағы ең үздік тау шаңғы курорты атанды
ТурСтат сараптама агенттігінің нұсқасы бойынша, үздік ондықтың ішіне Алтай Альпісі тау шаңғы курорты да кірді, деп хабарлайды Baq.kz ақпарат агенттігі bnews.kz сайтына сілтеме жасап.
ТурСтат 2018-2019 жылдары ресейлік туристер қыста көп демалатын ТМД елдері мен жақын шетелдерде орналасқан ең үздік әрі ең танымал курорттардың тізімін жасады.
Тізімнің бас жағында Қазақстан, Грузия, Әзербайжан, Беларусия, Армения және Өзбекстандағы курорттар орналасқан.
Бұл тізім 2018-2019 жылдары қыс мерзімінде демалыс орындарына баратын адамдардың санына сараптама жасау арқылы жасалды. Сондай-ақ, курортта бір тәулік демалудың бағасы қандай екені де есепке алынды.
Жататын орны мен тамағын қосқанда туристік демалу құны Шымбұлақта тәулігіне 100 доллар, Шахдаг пен Туфандагта 100 доллар, Цахкадзорда 80 доллар, Чимганда 70 доллар.
