ҚР ІІМ басшысының орынбасары Ерлан Тұрғымбаев қазақстандықтарға айыппұл туралы SMS-хабарлама тарату жүйкесі қашан іске қосылатыны туралы сұраққа жауап берді, деп хабарлайды ҚазАқпаратқа сілтеме жасап Stan.kz.

«ІІМ Бас прокуратура мен «Азаматтарға арналған үкімет» мемлекеттік корпорациясының Құқықтық статистика және арнайы есепке алу жөніндегі комитетімен бірлесе отырып азаматтарға Электронды үкімет порталы арқылы айыппұл туралы хабарлама таратылуы үшін шаралар қабылдап жатыр», – дейді Ерлан Тұрғымбаев.
Сонымен қатар ІІМ өкілі бүгінде барлық ХҚКО мен арнайы ХҚКО-ларда орнатылған терминалдар кез-келген азаматқа айыппұл бар-жоғын білуге мүмкіндік беретінін айтты.
«Сонымен қатар халыққа SMS-хабарламалар тарату арқылы ақпарат беру бойынша жұмыстар жүргізіліп жатыр. Жоба дайындалды, жүйе жұмыс істеп тұр, алайда 2019 жылдың 1 қаңтарынан бастап 100 пайыз қамтылатын болады. Республика азаматтарының барлығы ұялы телефонын тіркегеннен кейін, біз азаматтарға айыппұл туралы мәлімет жіберетін боламыз», – дейді Ерлан Тұрғымбаев.


Stan.kz