Микрокредиттердің басым бөлігі ауылды жерлерде беріліп жатыр

Астана, BAQ.KZ. Биыл мемлекет басшысының Төртінші әлеуметтік бастама аясында шағын несие бағдарламасын кеңейту үшін 2018 жылы Бағдарламаны қаржыландыру көлемі 20 млрд теңгеге көбейтіліп, жалпы қаражат көлемі 62,6 млрд. теңгені құрады. Оның ішінде ауылды жерлерде кредит беруге 45,3 млрд. теңге, қалаларда 17,3 млрд теңге жұмсалатын болады. Бұл туралы Еңбек және халықты әлеуметтік қорғау министрлігі хабарлады.

Жалпы 2018 жылы 14 мыңнан астам адам микрокредитпен қамтылады деп жоспарлануда (ауылда - 11 мың, қалаларда - 3 мың). Есептік кезеңге 8 492 микрокредит берілді, оның ішінде ауылдарда − 7 544, қалаларда − 948 микрокредит.

«Бастау-Бизнес» жобасы бойынша 2018 жылы бизнесті жүргізуге 30 мың ауыл, шағын және моноқалалардың тұрғындарын оқыту жоспарланған. 2018 жылғы 1 қазандағы жағдай бойынша 21,6 мың адам немесе жоспардың 72%-ы кәсіпкерлік негіздерін оқыды.

Baq.kz