NASA: 22 наурызда Жерге ірі астероид жақындайды
Алматы, BAQ.KZ. Жақында табылған EA2 ірі астероиды 22 наурыз күні жерге жақын келеді, деп хабарлады NASA.
Астрономдардың пайымдауынша, аспан денесінің диаметрі 40 метрді құрайды және ол біздің ғаламшарға өте жақын келеді.
Жақындаудың ең жоғарғы шегі 22 наурыз күні Астана уақытымен 7.53-те болады деп күтілуде. EA2 астероидының қозғалыс жылдамдығы – шамамен 5 км/с.
Сnet порталы таратқан мәліметке сүйенсек, астероидты қуатты телескоп немесе виртуалды телескоп арқылы көруге болады.
