«Нұр Отан» партиясы аудандық филиалы “Жалағаш ауданының полиция бөлімі” мемлекеттік мекемесінің жергілікті полиция қызметкерлері және Қызылорда облысы бойынша мемлекеттік кірістер департаментінің “Жалағаш ауданы бойынша мемлекеттік кірістер басқармасы” қызметкерлерімен бірлесіп, кент орталығында көшпелі қабылдау жүргізді.

Мұндағы мақсат – аудан тұрғындарына және көлік жүргізушілеріне жол жүрісі қауіпсіздігі ережесін түсіндіру, партия мен тұрғындар арасындағы байланыс­ты нығайту.

Қабылдау барысында жол қозғалысы қауіпсіздігін қамтамасыз етуді насихаттайтын, полиция қызмет­кер­лерінің қызмет атқаруымен жүргізушілердің құ­қықтары сақталуы мақсатында бірқатар үнпарақтар таратылып, сауалнамалар беріп, заңға сәйкес кеңестер берілді. Бұл жұмыстар өз кезегінде аудандағы жол қауіпсіздігін қамтамасыз етуге де сеп болары сөзсіз. Көшпелі қабылдау барысында бірқатар азаматтарға жол жүру ережесі мен шараның мақсаты қатар түсіндірілді.