Мемлекет басшысы жоғарғы соттың бес судьясы қызметінен босатты
ҚР Жоғарғы Сотының бірнеше судьясы қызметінен босатылды. Бұл туралы бүгін Парламент Сенатының отырысында ҚР Жоғарғы Сот Кеңесінің төрағасы Талғат Донақов мәлімдеді, деп хабарлайды Stan.kz тілшісі.
«Сіздердің қарауыңызға Еліс Әбдіқадыров, Ғалия Аққуова, Әділжан Құрықбаев, Амангелді Сәрсенбаев және Моряк Шегеновті Жоғарғы Сот судьясы қызметінен босату туралы мемлекет басшысының ұсынымы енгізілді. ҚР президентінің жарлығымен Әбдіқадыров Алматы облыстық сотының төрағасы қызметіне тағайындалды. Зейнеткерлік жасқа толуына байланысты Аққұлова, Құрықбаев, Сәрсенбаев және Шегенов отставкаға шықты. Мемлекет басшысының аталған ұсынымын қолдауды сұраймыз», - деп айтты Донақов.
Сенат депутаттары бірауыздан бұл шешімді қолдады.
Stan.kz
