Екі дүркін олимпиада чемпионы өмірден озды
Спорттық гимнастикадан екі дүркін олимпиада чемпионы Елена Шушунова 50-ге қараған шағында Санкт-Петербургте өмірден озды. Бұл туралы ТАСС Ресей Спорт гимнастикасы федерациясына сілтеме жасап хабарлайды.
«Шушунованы кеше әпкесі ауруханаға жеткізген, өкінішке қарай, түнде чемпион қайтыс болды. Мүрдені тексеру нәтижелері әлі шыққан жоқ. Алдын ала мәліметтерге қарағанда, Шушунованың өліміне пневмониядан кейінгі аурудың асқынуы себеп болуы мүмкін», - дейді федерацияның баспасөз атташесі Елена Михайлова.
Шушунова 1988 жылы өткен Олимпиада ойындарының абсолюттік чемпионы. Сол жылғы Олимпиадада дара жарыстан бөлек, командалық турнирдің алтын медалін, сондай-ақ күміс және қола медальдардың иегері атанған. Командалық бәсекеден, көпсайыстан әлем чемпионы, ал көпсайыстың жеке түрлері бойынша үш дүркін әлем чемпионы болған.
