Жаңа туған бала бесінші қабаттан құлап, аман қалды

Тайланда жаңа туған қыз бала бесінші қабаттан құлап, банан жапырақтарының арқасында аман қалды.

Банан жапырақтарына түскен бала жерге жеңіл құлаған. Жергілікті тұрғындар үйдің артындағы банан жапырақтарының арасынан баланың жылаған дауысын естіп, кіндігі кесілмеген жаңа туған баланы тауып алған. Бала қатты зардап шекпеген. Тек денесіне аздап сызат түсіп, шыбын-шіркей шағып алған.
 
Құқық қорғаушылар баланы терезеден оның анасы лақтырып жіберді дейді. Көршілері бала құлаған үйде жүкті қыздың тұрғанын айтқан. Қазір полиция жас ананы іздестіруде.


reactor.inform.kz