Қазақстан тиімді мемлекеттік қызмет моделін құру тәжірибесімен ТМД елдерімен бөлісіп жатыр

Осы орайда Қазақстан Республикасы Президенті жанындағы Мемлекеттік басқару академиясының қызметкерлері өзбекстандық әріптестеріне арнайы семинар өткізді. Айтып кету керек, бір жыл бұрын бұл білім ордасында жобалық менеджмент жүйесін дамыту орталығы ашылып, мұнда халықаралық стандарттардың негізінде тренингтер өткізіледі. Бас-аяғы 4,5 мың мемлекеттік қызметкерді қамтитын орталықтың өңірлерде филиалдары да бар. Бүгінде еліміздің жобалық басқару әдісіне Өзбекстанмен қатар Ресей де қызығушылық танытып отыр. Әлтайыр Ахметов, Мемлекеттік басқару академиясының вице-ректоры: - Біздің негізгі екі бағыттар – қазақстандық стандарт бойынша ИСО 21500 және британдық әдіс бойынша ПРИНС 2 деген жобалық менеджмент бойынша үйретеді. Неге қазіргі таңда керек? Ол шын мәнінде мемлекеттік бағдарламаларды, жобаларды тез, тиімді және сол сапада іске асыруға бағытталған.

24.kz