Назарбаев Қарағандыға барды

Нұрсұлтан Назарбаев жұмыс сапарымен Қарағанды облысына барды, - деп хабарлайды Tengrinews.kz тілшісі Ақордаға сілтеме жасап. Сапар барысында Қазақстан Президенті бірқатар өнеркәсіп кәсіпорындарын аралап, өңірдің инфрақұрылымдық даму жоспарымен танысады.

Сонымен қатар, Нұрсұлтан Назарбаев әлеуметтік және мәдени нысандарда болып, Қарағанды облысын одан әрі дамыту мәселелері жөнінде кеңес өткізеді.

Еске сала кетейік, мұның алдында Мемлекет басшысы Алматыда жөндеуден өткен көшелерді аралаған болатын. Президент Алматы қаласына жұмыс сапары барысында жаяу жүргіншілер мен велосипедшілер үшін инфрақұрылымы қайта жасақталған Абай және Нұрсұлтан Назарбаев даңғылдарын аралап көрген еді.

tengrinews.kz