Парламент Астананы Нұрсұлтан деп ауыстыруды мақұлдады
Парламент Астананың атауы Нұрсұлтан болып өзгертілуін мақұлдады деп хабарлайды KAZ.NUR.KZ.
"Қазақстан конституциясына сәйкес үкімет Қазақстан президентіне Астананың атауы өзгертілуіне байланысты конституцияға өзгерістер енгізу үшін республикалық референдум өткізуді ұсынды.Президент бұл ұсынысты референдумға шығармай, парламентке жіберу жөнінде шешім қабылдады. Республикамыздың конституциялық кеңес оң жауап қайтарды", - деді Нұрлан Нығматулин.
Дауыс беруден кейін Конституциядағы өзгерістер қабылданды.
"Бұл тарихи шешім", - деді Нығматулин.
Сенат және мәжіліс депутаттары атауды өзгерту шешімін бірауыздан мақұлдаған.
Енді Конституцияға өзгерістер президент қол қойғаннан кейін өз күшіне енеді.
https://kaz.nur.kz
