Сабыр Мұхтаровты еске алуға арналған республикалық турнирде Есет батыр ауылының жастары Нұрсұлтан Хамит пен Дінислам Шайхыислам жеңіс тұғырынан көрінді.

Дүбірлі додада 38 келі салмақта күш сынасқан Жа­лағаш аудандық №14 ба­ла­лар-жасөспірімдер спорт мек­тебі Есет батыр ауылдық фи­­­­лиалының тәрбиеленушісі Н.Хамит І орынды жеңіп алса, ал 32 келі салмақта Д.Шайхыислам ІІІ орынға жайғасты.

Аудан намысын қорғап, жүлделі орындарға ие болған жас спортшылар бұған дейін де республикалық, облыстық турнирлерде алғашқы орындарды иеленіп жүр. Жастарды шыңдап, бәсекеге баптаған жаттықтырушылары олардың алар асуы әлі алда екенін айтады.

Елбасының «Болашаққа бағ­­­дар: рухани жаңғыру» атты ма­­­қаласында айқындап берген міндеттер жастарды отан­сүйгіштікке тәрбиелеу, оларды салауатты өмір салтына бе­­йімдеп, жүректі де білекті етіп өсі­руге бағытталған. Осы тұрғыда №124 орта мек­тептің жас жеткіншектерін спортқа баулып, отансүйгіштікке тәр­биелеп, жастарға жігер берген жаттықтырушы Е.Қа­сы­мов­тың еселі еңбегіне ауыл жұрт­шылығы риза.

«Дені сау ұрпақ – ұлт бо­ла­шағы» деп бекер айтылмаған. Жас ұрпақтың дені сау, білімді болса, болашағымыз жарқын болмақ! Шәкірттеріміз әлі талай асуларды бағындырады деп үлкен үміт күтеміз.