Головкиннің болашақ қарсыластары неге жеңіліп қала береді

Танымал қазақстандық боксшы Геннадий Головкин (38-1-1, 34 КО) кәсіби мансабында алғаш рет мексикалық Сауль Альварестен жеңілгеннен кейін келесі айқасына қарсылас іздеп жатыр, деп хабарлайды Sports.kz.

 Отандасымыздың болашақ қарсыластарының арасында жапондық Риото Мурата мен ирландық Гэри О'Салливан бар еді. GGG командасы қарамағындағы боксшыға әлсіз қарсылас іздеп жүр ме? Бұл сауалымызға ҚР Кәсіби бокс федерациясының вице-президенті Виктор Демьяненко жауап берді. «Бұл әлсіз қарсылас іздеп жатыр деген сөз емес. Көп боксшы GGG-мен жұдырықтасқысы келмейді, себебі ешкім жеңілуді қаламайды. Мурата Токиодағы ел-жұртының алдында өзін көрсеткісі келді, бірақ ол Головкинге лайық қарсылас емес. «Канело» да, GGG де қазір лайықты қарсылас қарастырып жатыр», - деп есептейді маман.