Соңғы жылдары Сыр елінің әлеуметтік-экономикалық ахуалы бұрынғыдан анағұрлым жақсара түсті. Өңір экономикасын әртараптандыру нәтижесін берді. Сырдың басты дақылы саналатын күріштен де рекордты өнім жиналып, қамбамыз дәнге толды. Аймақта сумен қамтамасыз ету және газбен жабдықтау мәселелері қатар шешілуде. Осы сынды мәліметтерді негіз еткен облыс әкімі Қуанышбек Ысқақов ҚР Президенті жанындағы Орталық коммуникациялар қызметінің алаңында Мемлекет басшысының халыққа Жолдауын жүзеге асыру шеңберіндегі аймақтағы басты жетістіктерді, сондай-ақ 2019 жылдың 10 айының қорытындысы бойынша өңірдің әлеуметтік-экономикалық дамуы туралы баяндады.

"Осы жылдың 10 айының қорытынды­сымен бірқатар бағыттарда оң нәтижеге қол жеткіздік. Тұтастай алғанда, жалпы мемле­кет саясатын жүйелі іске асыру нә­ти­жесінде соң­ғы жылдың өзінде өңдеуші өнеркәсіпте өндіру көлемі 5,4% ұлғайды, жұмыспен қам­тылғандар саны 71% дерлік, ал шикі­зат­тық емес экспорт көлемі-49% астам өсті", – деп атап өтті Қуанышбек Ысқақов.

Өңір экономикасын әртараптандырудың негізі – индустрияландыру саласы. Ағымдағы жылдың 10 айының қорытындысы бойынша өнеркәсіптің шикізаттық емес секторындағы өндіріс өсімі 4,4% құраған. Бүгінгі таңда мем­­ле­кеттік бағдарлама аясында іске асы­рылған 24 жобаның 18-і жоспарлы қуаттың 90% дан 100% жеткен. Жыл соңына дейін Ин­дустрияландырудың екінші бесжылдығы ая­сында тағы да 3 жобаны іске асыру жос­пар­лануда, бұл 200-ден астам жаңа жұ­мыс орнын ашуға мүмкіндік береді.

Индустрияландыру бағдарламасы ая­сын­­да "Арал тұз" АҚ 2 испандық цехты іске қос­ты. Бүгінгі таңда бұл кәсіпорын өз өнімінің 79% экспортқа (Украина, Әзірбайжан, Гру­зия, Қырғызстан, сондай-ақ Ресей Фе­де­ра­циясының 82 қаласына) жіберетін та­быс­ты кәсіпорынның бірі. Шетелде өнім қа­жет­тілігінің артуына байланысты биыл тұз өндіру көлемін 25%, яғни жылына 400-ден 500 мың тоннаға дейін жеткізген, ал 2022 жылы өндіру көлемін тағы 75% жылына 700 мың тоннаға дейін арт­тыру жоспарлануда.

Күріш – Сыр өңірінің бренді. Биыл күріш­ші­лер әр гектарынан 60,3 центнерден өнім жинап, 530,5 мың тонна күріш салысы қам­баға құйылып, осылайша жаңа рекордқа қол жеткізді (әр гектардан 108 центнерден өнім алған күрішшілер де бар). Cонымен қатар биылғы 10 айда 25,7 мың тонна ет, 63,6 мың тонна сүт, 6,4 млн. дана жұмыртқа өндіріліп, ет өндіру 3,4% сүт өндіру 1,7%, жұмыртқа өндіру 7,7 % өсті.

Аймақта сумен қамтамасыз ету және газбен жабдықтау мәселелері қатар шеші­луде. Бұл да халықтың өмір сүру деңгейі мен сапасын арттырудың маңызды фактор­лары. Бүгінгі күні облыс халқының 97% орта­лық­тандырылған суға қол жеткізіп отыр, ал халықтың 63% табиғи газды тұтынуға мүм­кіндік алды. 2018 жылы 3 аудан орталығына – Жосалы, Тереңөзек және Жалағашқа кө­гіл­дір отынды жеткізіп, биылғы жылы кен­ті­шілік газ желісінің құрылысы басталды. Ал Байқоңыр қаласында табиғи газды тұ­тыну тарифі Қызылорда облысы бойынша бі­рың­ғай тарифпен теңестіріліп, 20,7 тг/м3 құ­рап отыр. Айта кету керек, "Байқоңыр" қала­сын­да қазақстандық газға қосылғанға дейінгі та­риф құны 850 тг/м3 құрайтын.

Білім саласы бойынша бүгінде аймақта апаттық жағдайдағы және үш ауысымдық мектептер мәселесі толық шешілген. Қазіргі таңда облыста 574 мектепке дейінгі тәрбие мекемелері жұмыс істейді. Оның ішінде мемлекеттік балабақша саны – 161 болса, жеке балабақша саны – 413. Қазір денсаулық сақтау, білім беру, мәдениет, спорт, қо­ғам­дық тәртіп, тұрғын үй коммуналдық ша­руа­­шылығы және тағы басқа салаларда 116 жоба бар. Олардың 40-ы бойынша инвес­тор­лармен жобаларды жүзеге асыру туралы келісім шартқа қол қойылған.

Баспасөз конференциясында облыс әкімі "Медициналық көмектің сапасын жақсарту үшін (алғашқы медициналық-санитарлық кө­мек) дәрігерлік учаскелерді ірілендіру бойын­ша ауқымды жұмыстар жүргізіліп жатқанын тілге тиек етті.

Биыл облыс спортының әлеміндегі ең бас­­ты жарқын жаңалығы – «Қайсар» фут­бол ко­ман­дасынын Қазақстан кубогы ойын­дарында жеңімпаз атануы. Жиырма жыл­дан кейін «Қайсар» екінші рет финалға жол­дама алып, же­ңіске жетті. Команданың ал­дағы міндеті – Еуропа лигасында лайықты ойнау. Атқарылған жұмыс нәтижесінде облыс спорт­шылары Әлем және Азия чемпио­нат­та­рында 168 (66 алтын, 53 күміс, 49 қола) ме­далға қол жеткізді.

Брифингте аймақ басшысы облыс көле­мін­­де құрылыс, әлеуметтік сала, ауыл шаруа­шы­лығы, кәсіпкерлікті дамыту бойынша тын­дырымды тірліктерді баяндап, БАҚ өкіл­дерінің бірқатар сауалына жауап берді.