Облыс әкімінің өкімімен Сәрсенбаев Қайратбек Әубәкірұлы облыстық жұмылдыру дайындығы басқармасының басшысы болып тағайындалды.

Қайратбек Әубәкірұлы 1961 жылы дүниеге келген. Жамбыл гидромелиоративтік-құрылыс институтын инженер-гидротехник, Қорқыт ата атындағы Қызылорда мемлекеттік университетін экономист-бухгалтер мамандықтары бойынша бітірген.

Еңбек жолын 1983 жылы Сырдария суару жүйелері басқармасының инженері ретінде бастаған.

1999-2012 жылдары Сырдария аудандық экономика және қаржы бөлімінің меңгерушісі, Сырдария аудандық қаржы бөлімінің меңгерушісі, Сырдария ауданы әкімінің орынбасары қызметтерін атқарған.

2012-2017 жылдары облыстық қаржы басқармасының басшысы, Шиелі ауданының әкімі болды.

2017 жылдың қазан айынан бастап осы кезге дейін Жалағаш ауданының әкімі қызметін атқарып келді.