Дүкен иесіне әкімшілік хаттама толтырылды

Кеше ауданда күшейтілген карантин режимін қадағалау мақсатында «Nur Otan» партиясының аудандық филиалы партиялық бақылау комиссиясының төрағасы Қ.Мұстафаева аудан әкімдігі жанынан құрылған мобильді топ мүшелерімен Мақпалкөл ауылдық округінде орналасқан нысандарға түнгі мониторинг жұмыстарын жүргізді. Мониторинг жұмыстары барысында қатаң шектеу және карантин шараларын енгізу қаулысының талаптары бойынша аталған ауылдық округтегі «Айдар» дүкенінің иесі шектеу уақытынан кейін дүкенді ашып, жұмыс жасағандығы анықталды. Дүкен иесіне әкімшілік хаттама толтырылды.

Айта кетейік, мұндай рейдтік шаралар Жалағашта наурыз айының ортасынан басталған болатын. Мақсат – барлық кәсіпорындар мен дүкенде, ойын-сауық орындарын мемлекет бекіткен тәртіппен жұмыс жасауға шақыру.