COVID-19: Тағы бір өңір "қызыл" аймаққа өтті
7 сәуірдегі жағдай бойынша Қарағанды облысы "қызыл" аймаққа енді.Қазақстанда "қызыл" аймаққа жеткен өңірлердің қатары сегізге жетті, деп хабарлайды ERNUR.KZ Денсаулық сақтау министрлігі баспасөз қызметіне сілтеме жасап.
Эпидемиологиялық ахуалды бағалау матрицасына сәйкес, 7 сәуірдегі жағдай бойынша Қазақстанда "қызыл" аймақта 8 өңір тұр: Нұр-Сұлтан, Алматы қалалары, Атырау, Батыс Қазақстан, Алматы, Ақмола, Ақтөбе және Қарағанды облыстары. "Сары" аймақта Шымкент қаласы орналасқан, ал қалған 8 өңір "жасыл" аймақта. Еске сала кетейік, Қазақстанда өткен тәулікте 2080 адамның коронавирус жұқтырғаны анықталды.
