Қазақстан туристерге арналған елдер тізімінде соңынан санағанда үшінші орынды иеленді
Шытырман оқиғалар мен туризмге арналған ең үздік елдер рейтингінде Қазақстан соңғы орындардың бірін иеленді. Тізімде 78 мемлекет болды, ал еліміз 76-шы орынға жайғасты. Қазақстанға 100 баллдан 4,4 балл берілді, деп хабарлайды Stan.kz ақпарат агенттігі.
Ranking.kz порталының мәліметінше, рейтингте әсемдік (Қазақстанға 100 ұпайдың 10,4 балл берді), достық (7,4 балл), көңілді атмосфера (2,6 балл), жағымды климат (2,1 балл) және сексуалдық (1,9 балл) сияқты санаттар бағаланды.
ТОП-3 елдің қатарына Бразилия, Италия және Испания кірді.
ТОП-3 елдің қатарына Бразилия, Италия және Испания кірді.
Көрші Ресей рейтингте 51-ші орынды, Өзбекстан 74 - ші орынды иеленді.
Сарапшылардың есептеуінше, Қазақстанда 2020 жылдың қаңтар-желтоқсан айларында қонақ үйлер, мотельдер, хостелдер және басқа да орналастыру орындары көрсеткен қызметтер көлемі тек 66,9 миллиард теңгені құраған. Бір жыл бұрынғыға қарағанда 44,5 пайызға аз. 2019 жылғы қаңтар-желтоқсанда көрсеткіш 120,5 миллиард теңгеге жетті.
Көрсетілген қызметтердің ең көп көлемі Алматыға (16,8 миллиард теңге, минус 48 пайыз), Нұр-Сұлтанға (11,6 миллиард теңге, минус 55,7 пайыз) және Ақмола облысынға (6,4 миллиард теңге, минус 14,7 пайыз) тиесілі.
Ең аз қызмет Солтүстік Қазақстан, Қызылорда және Қостанай облыстарында көрсетілді.
2020 жылғы қаңтар-желтоқсан қорытындылары бойынша қазақстандық қонақ үйлер, мотельдер, кемпингтер, туристік базалар, қонақ үйлер, демалыс үйлері, пансионаттар және өзге де орналастыру орындары 3,6 миллион адамға қызмет көрсетті - бір жыл бұрынғыға қарағанда 1,7 есе аз.
Туристердің көпшілігі Алматыны таңдады: 737,3 мың адам. Көшбасшылар үштігіне Алматы облысы мен Нұр-Сұлтан кірді.
Осы жылдың наурыз айында қонақ үйлерде тұрудың орташа құны тәулігіне 12,1 мың теңгені құрады.
Еліміздің ірі қалалары мен мегаполистерінің арасында ең қымбат баға Алматыда (19 мың теңге ), Нұр-Сұлтанда (15,1 мың теңге ) және Оралда (тәулігіне 14,4 мың теңге) тіркелді.
Ең арзаны Қызылордадағы қонақүйлері - тәулігіне бар болғаны 8,2 мың теңге.
