Гүлшара Әбдіқалықова: Алтындай ұлымыздың бұл жеңісі біз үшін өте қымбат
Қызылорда облысының әкімі Гүлшара Әбдіқалықова боксшы Қамшыбек Қоңқабаевтың Токио Олимпиадасындағы бүгінгі ойынынан кейін «Facebook» парақшасында жазба қалдырды.
«Қадірлі жерлестер! Қамшыбек батырымыздың Токио Олимпиадасының қола жүлдегері болуы баршаңызға құтты болсын! «Бақ шаба ма, бап шаба ма», – демей ме халқымыз. Алтын күтсек те, алтындай ұлымыздың бұл жеңісі біз үшін өте қымбат! Алда әлі талай жеңісті, жемісті сәттер бар деп сенемін», – деп жазады облыс әкімі.
