Руслан Желдібай ҚР Президентінің баспасөз хатшысы болып тағайындалды деп хабарлады Elorda.info. 

Мемлекет басшысының өкімімен Руслан Сұлтанұлы Желдібай Қазақстан Республикасы Президентінің баспасөз хатшысы лауазымына тағайындалды, – делінген хабарламада.

Руслан Желдібай 1989 жылы Жамбыл облысында туған.

Т. Рысқұлов атындағы Қазақ экономикалық университетін, Уорик университетін (Ұлыбритания) бітірген. «Болашақ» бағдарламасының түлегі.
Еңбек жолын 2012 жылы «Қазақстан» телеарнасында редактор болып бастаған.

2012-2018 жж. – «Алматы» телеарнасында бөлім басшысы, продюсер.

2018-2019 жж. – Ақпарат және коммуникациялар комитетінің Интернет кеңістігіндегі және әлеуметтік желілердегі ақпараттық жұмыс жөніндегі басқарма басшысының м.а., басшысы.

2019-2020 жж. – Ақпарат және қоғамдық даму министрлігінің Ақпарат комитеті төрағасының орынбасары.

2020-2022 жж. –  Президенті Әкімшілігінің Ішкі саясат бөлімі меңгерушісінің орынбасары.

2022 жылдың 14 ақпанынан бастап қазіргі уақытқа дейін Премьер-министр Кеңсесі басшысының орынбасары болды.