Танымал актер Джеки Чан ұлы ойшыл Абайдың 175 жылдығына арналған флешмобқа қатысты, деп хабарлайды Stan.kz ақпарат агенттігі. 

«Мен Қазақстан президенті бастаған поэтикалық челленджді Ерлан Қариннен қабылдаймын», - деді актер. 
Әрі қарай Джеки Чан Абайдың «Желсіз түнде жарық ай» атты өлеңін оқып берді. 
Естеріңізге сала кетсек, Ерлан Қарин мен Джеки Чан осы жылдың сәуір айында кездескен болатын. Сол кезде актерге Сириядан қазақстандықтарды құтқару туралы фильм көрсетілді. 



Бұған дейін аталған челленджге Қасым-Жомарт Тоқаев, әнші Димаш Құдайберген, ресейлік сазгер Игорь Крутой, Қазақстанның Ресейдегі елшісі Иманғали Тасмағамбетов,  Alibaba Group интернет-корпорациясының құрушысы Джек Ма қатысты. 

stan.kz