Алжир мемлекеттік телеарнасының мәліметінше, ұшақ Алжирден оңтүстікке қарай 50 шақырым қашықтықта орналасқан Буфариктегі әскери база әуе айлағынан ұшқан. Бірнеше минуттан соң құлады. Ұшақ толықтай жанып кеткен. Бұған дейін апаттан 181 адамның мерт болғаны айтылған еді. Соңғы деректер бойынша, 257 адамның қаза болғаны белгілі болды.
Алжир ұлттық қорғаныс министрлігі көлік ұшағының құлағанын ресми растады. Оқиғаның мән-жайы анықталып жатыр.