Үндістанда әлемдегі ең кішкентай сәби дүниеге келді. Мерзімінен 12 апта бұрын өмірге келген сәбидің салмағы небәрі 0,88 фунт (шамамен 400 грамм), аяғының көлемі әкесінің бір саусағына тең.

Бұл туралы The Daily Mail басылымына сілтеп Stan.kz хабарлайды.
Кішкентай сәби Үндістанның Раджастхан штатынды туылды. Бойы 8,6 дюйм (21,8 сантиметр) боп туылған сәби Азиядағы ең кіші адам болып тіркелді.
Дүниеге келген кезде Мануши тыныс алмады, оның органдары толық қалыптасып үлгермеді. Соған қарамастан, алты ай емханада жатып, өмір сүріп кетті. Алайда қазірдің өзінде оның салмағы 5,2 фунт (2,3 кг).





Манушидің анасы Сиета мен әкесі Гирирадж: “Ол барлығына қарсы тұрды, күресті”, – дейді.
Жүктілік кезінде Сиетаның қан қысымы жоғары болып, ол мерзімінен бірнеше ай бұрын босанған.

http://stan.kz