Францияда Денис Теннің құрметіне Гран-при өтеді
Францияның мәнерлеп сырғанау федерациясы қазақстандық әріптестерін ресми түрде мәнерлеп сырғанаудан Гран-придің алтыншы кезеңі Денис Тенді еске алуға арналғандығын мәлімдеді, - деп хабарлайды Tengrinews.kz тілшісі.
Қазақстанның Коньки тебушілер ұлттық федерациясының ресми сайтына сілтеме жасап. "FFSG Атқарушы Кеңесі (француз федерациясы) жарыстың бір күнін зұлым, жансыз адамдардың қолынан мерт болған беделді мәнерлеп сырғанаушысы Денис Тенуге арнауды жоспарлап отыр. Денис Францияда жиі конькимен сырғанайтын, оның ішінде өткен жылы елде өте танымал болған. Көрермендер оны мейірімділігі мен ашықтығы үшін жақсы көретін", - делінген FFSG-дың ҚР Коньки тебушлер ұлттық федерациясының жіберген ресми хатында. Гран-при 22-25 қарашада Гренобльде өтеді.
"Мұндай уақытта біз сіздердің және Денистің отбасының қайғысына ортақпыз. Жарысты Денистің құрметіне арнағымыз келеді, себебі оны француз мәнерлеп сырғанаушылар қауымы ешқашан ұмытпайтынын еске салғымыз келеді", - делінген FFSG хабарламасында. Денис Тен - қазақстандық мәнерлеп сырғанаушы, Қазақстан Республикасының халықаралық дәрежедегі спорт шебері. 2014 жылы мәнерлеп сырғанаудан Сочи олимпиадасының қола жүлдегері, 2013 жылғы әлем чемпионатының күміс медаль жүлдегері, 2011 жылға Азия ойындарында мәнерлеп сырғанаудан чемпион, Қазақстанның үш дүркін чемпионы. Сонымен бірге Тен 2015 жылғы төрт континенттің (АҚШ,Канада, Қытай, Жапония, Корея) және 2017 жылғы Универсиада чемпионы. Ол ISU эгидасымен өткен халықаралық турнирлердің бірнеше дүркін жеңімпазы, Гран-при жүлдегері. Үш Олимпиадаға қатысқан. 2010 жылы алғаш рет Қазақстанды Ванкувердегі (Канада) Олимпиада ойындарында таныстырды, онда ерлер арасында ең жас қатысушысы болды (16 жаста). 2013 жылдан бастап Денис "Денис Тен және достары" мұз айдыны шоуын өткізеді, ол жобаның авторы және продюссері саналады. 2018 жылдың 9 маусымында өткен мұз айдыны шоуы елорданың 20 жылдығына арналған.
