Қытайда ең терең су астындағы метро ашылды
Қытайда ең терең су асты метро туннелінің құрылысы аяқталды. Оның ұзындығы 8,1 шақырым деп хабарлайды РИА Новостиге сілтеме жасаған NUR.KZ.
Су астынан салынған туннель Шаньдун провинциясындағы Циндао қаласының батысы мен шығысын байланыстырады.
China Railway No.3 Engineering Group компаниясының мәліметінше, бұл Қытайдағы ең терең туннель саналады. Ол теңіз деңгейінен 88 метр төменде орналасқан. Оның құрылыс жұмыстары 2015 жылдың қыркүйек айында басталыпты.
Ағымдағы жылдың қазан айында Қытайда ең ұзын теңіз көпірі ашылған болатын. Ол Гонконг, Макао және Чжухай қалаларын Гуандун провинциясмен байланыстырады екен.
NUR.KZ.
