Ғалымдар барлық ұлт ұғыныса алатын әмбебап тілді анықтады

Америкадағы Гарвард университетінің ғалымдары адамзаттың әмбебап тілдесу құралы музыка деп есептеуге болатынын анықтады, деп хабарлайды Baq.kz ақпарат агенттігі lenta.ru-ға сілтеме жасап.

Зерттеу нәтижесі Current Biology журналында жарияланды.
Ғалымдар зерттеу жұмысын жүргізуге әлемдегі 60 елден 750 интернет қолданушыны қатыстырған. Зерттеушілер оларға кездейсоқ таңдалған әуендерді тыңдауды ұсынған. Ұсынылған әуендердің арасында әр түрлі елдің мәдениетінен хабар беретін туындылар болған.
Содан кейін, сынақтан өтушілерге композицияның қандай (ән, би т.б.) жанрға жататыны туралы сұрақтар беріліп, өзінің эмоциялары туралы айту ұсынылған көрінеді.
Нәтижесінде, қатысушылар әуендердің қай елге тиесілі екенін білмесе де, олар әуеннің сипаты мен жанрын дәл тапқан.