Израиль тұрғындары Lego конструкторынан ең биік мұнара құрастырды

Израильде мыңдаған адам 8 жасар баланың рухына арнап Lego конструкторынан биік мұнара құрастырды, деп хабарлайды Baq.kz ақпарат агенттігі korrespondent.net сайтына сілтеме жасап.

Израильдың астанасы Тель-Авив қаласында жергілікті тұрғындар бірігіп балалардың Lego конструкторынан биіктігі 36 метрге жететін мұнара құрастырды. Бұл 12 қабатты үйдің биіктігімен пара-пар. Аталған мұнара 500 мың детальдан құралды.
Осылайша Тель-Авив тұрғындары германиялықтардың рекордын жаңартты. Кейінгілері биіктігі 35,47 метр болатын мұнара тұрғызған болатын.
Мұнараны тұрғызуға мыңдаған жергілікті тұрғын атсалысты. Олар мұны 8 жастағы марқұм Омер Саядтың рухына арнап жасады. Рак ауруынан көз жұмған бала конструктор құрастырғанды жақсы көрген.